यूपी कै नाम होय जिंदाबाद - हरी राम 

राम करैं यूपी मा होय निवेश,
    सुख समृद्धि से बदलै परिवेश।
नाम पुरबिया कै बनै विशेष,
    यूपी के भइया नाम रहै न शेष।

हिकारत से न दैखै केहू, 
    यहि  प्रदेशवा के लोग का।
बढै रोजी, रोजगार, धंधा,
   होय जतन धन योग का ।

दिखै देशवा के हर चीज पै,
    मेड इन यूपी कै लगी स्टंप।
होय हर चीज के खूबै निर्यात,
    अर्थव्यवस्था करै लंबा जंप।

मिलै सबका सरकारी शिक्षा, 
     होय इलाज हर रोग का।
 प्रदेशवा मा रहै न केहू छत बिन,
     भरपेट भोजन मिलै हर लोग का।

लगे खूबै फैक्ट्री, बनै कारखाना,
    सारा जहां होय यूपी कै दिवाना।
घर घर बनै यूपी में उत्पाद,
    यूपी कै नाम होय जिंदाबाद।।
- हरी राम यादव, अयोध्या, उत्तर प्रदेश