सुनु रे भइया, सुनु रे बहिनी,
छठ के महिमा अपरम्पार हे,
कार्तिक मास में जब आवे छठ,
घर-घर में होवे जयजयकार हे।
नहाय-खाय से शुरू होवे,
लौकी-भात के प्रसाद हे,
खरना दिन खीर-रोटी खाके,
माई करे निर्जला उपवास हे।
छत्तीस घंटा बिना पानी के,
बेटा खातिर माई तप करे हे,
सूर्य देव के अरग देवे खातिर,
घाट पर भीड़ उमड़ परे हे।
ठेकुआ, कसार, केला, नारियल,
दउरा में सजल सिंगार हे,
नया सारी पहिन के जब माई चले,
लागे छठी मइया अवतार हे।
डूबत सूरज के भी पूजा होवे,
उगत सूरज के भी अरग हे,
एहे एक पर्व हई दुनिया में,
जहाँ डूबला के भी सम्मान हे।
सोनपुर, पटना, गया, नवादा,
सब घाट पर दीप जरावे हे,
छठी मइया के कृपा से,
घर-घर में खुशहाली आवे हे।
जे भी करे सच्चा मन से छठ,
ओकर मनोकामना पूरा होवे हे,
मगध के माटी के ई पर्व,
दुनिया भर में मशहूर होवे हे।
जय छठी मइया!
– डॉ अनमोल कुमार, मोकामा, पटना, बिहार
