घर घर बाजेला जोर हो बजनावा।
मईया अईहे अब भोर हो भवनवा।
नवरातर के नौ दिनवा में।
भउवा जगाईब मनवा में।
सगरो भइले शोर हो ज़मनवा ।
मइया अईहे अब…….,..।
नौ दिन नौ देवी दर्शन दिहे।
देई दर्शनवा दुख भंजन होई जइहे।
नवरातन होइहे खूब जोर हो पूजनवा।
मईया अईहे अब……..।
सिंहवा सवार करिहें दुखवा संहार।
देवी किरपा होई देशवा सुधार।
त्रिशूलवा से करा ओर हो दुश्मनवा।
मईया अईहे अब………।
लाली चुनरिया लाल बा ओहरवा।
सुघर सबसे दमके माई के सिंगरवा।
कारी कजरारी शोभे तोर हो नयनवा।
मईया अईहे अब………..।
हम हइ नादान बाली बा उमिरिया।
फेरी देतु माई हमरो पर नजरिया।
पूजी भारती भइले विभोर हो मगनवा।
मईया अईहे अब भोर हो भावनवा ।
-श्याम कुंवर भारती (राजभर)
बोकारो, झारखंड ph .9955509286
